Молитва святого Иоанна Златоуста

Молитва святого Иоанна Златоуста

молитвы по часам суток

1.00 Господи, в покаянии приими мя.
2.00 Господи, не остави мене. 
З.00 Господи,  не введи мене в напасть.
4.00 Господи,  даждь ми мысль благу.
5.00 Господи, даждь ми слёзы и память смертную, и умиление.
6.00 Господи, даждь ми помысл исповедания грехов моих.
7.00 Господи, даждь ми смирение, целомудрие и послушание.
8.00 Господи, даждь ми терпение, великодушие, и кротость.
9.00 Господи, всели в мя корень благих, страх Твой в сердце моё. 10.00 Господи, сподоби мя любити Тя от всея души моей и помышления и творити во всём волю Твою.
11.00 Господи, покрый мя от человек некоторых и бесов, и страстей, и от всякия иныя неподобныя вещи.
12.00 Господи, веси, яко твориши, якоже Tы волиши, да будет воля Твой и во мне, грешнем, яко благословен еси во веки . Аминь.
13.00 Господи, не лиши мене небесных Твоих благ.
14.00 Господи, избави мя вечных мук.
15.00 Господи, умом ли или помышлением, словом или делом согреших, прости мя.
16.00 Господи, избави мя всякаго неведения и забвения, и малодушия, и окамененнаго нечувствия.
17.00 Господи, избави мя от всякаго искушения.
18.00 Господи, просвети моё сердце, еже помрачи лукавое похотение.
19.00 Господи, аз яко человек согреших, Ты же, яко Бог щедр, помилуй мя, видя немощь души моея.
20.00 Господи, поели благодать Твою в помощь мне, да прославлю имя Твоё святое.
21.00 Гоподи Иисусе Христе, напиши мя, раба Твоего, в книзе животней и даруй ми конец благий.
22.00 Господи Боже мой, аще и ничтбже благо сотворих пред Тобою, но даждь ми по благодати Твоей положити начало благое. 23.00 Господи, окропи в сердце моём росу благодати Твоей.
24.00 Господи небесе и земли, помяни мя, грешнаго раба Твоего, студнаго и нечистаго, во Царствии Твоём. Аминь.

Оставить комментарий